Урғаҙа һәм Иҫке Сибай янғындарына кем ғәйепле?

Һуңғы бер нисә аҙнала һауа торошоноң үтә лә эҫе тороуы янғын хәүефен арттырҙы. Һаҡланыу сараларын теүәл үтәмәү ҙур бәлә килтерә лә инде. Мәҫәлән, уҙған аҙнала районда 2 янғын осрағы теркәлгән. 8 июндә Иҫке Сибайҙағы бер хужалыҡтың һарайында ут тоҡана. Ә инде 14 июндә Урғаҙа ауылындағы күмәк гараждар янып китә.

Ике янғын сығыу осрағының да сәбәптәре асыҡлана.

Һыуҙан ҡала, уттан ҡалмай, тиҙәр. Янғын хәүефһеҙлеге талаптарын теүәл күҙәтәйек. Балаларға шырпы менән уйнарға рөхсәт итмәгеҙ. Улар өсөн беҙ - ололар яуплы.