Темәс таштарын урлайҙар

Баймаҡ районы буйынса эске эштәр бүлегенең дежур хеҙмәтенән хәбәр итеүҙәренсә, уҙған аҙнала 126 хәл-ваҡиға теркәлгән, шуларҙың 8-е криминаль характерға эйә. Урлыҡ, кеше туҡмау, йәмәғәт урынында иҫерек килеш тәртип боҙоу осраҡтары бар. Бер хужалыҡтың кәртәһенән һарыҡ урлағандар. Темәс ауылы биләмәһендә законһыҙ рәүештә таш сығарыу осрағы асыҡланған.

Сибай - Аҡьяр трассаһында булған юл-транспорт фажиғәһендә пассажир алған йәрәхәттәрҙән урында һәләк булған. Үҙаллы изоляция режимын боҙған 3 гражданға ҡарата административ эш асылған.

ЮХХДИ инспекторҙары тарафынан юл хәрәкәте ҡағиҙәһен боҙған 175 осраҡ теркәлгән. 10 юл-транспорт ваҡиғаһы булған. Иҫерек килеш руль артына ултырған 9 водитель тотолған.