Аварияла кеше ғүмере өҙөлдө

Бөгөн Баймаҡ ҡалаһы һәм Ҡуянтау ауылы араһында бик тә ҡурҡыныс юл фажиғәһе теркәлде. Chevrolet Ravon и Hyundai Creta машиналары бәрелешкән, тип хәбәр итә Ғәҙәттән тыш хәлдәр министрлығының БР буйынса баш идаралыҡ. Ҡыҙғанысҡа ҡаршы, бер иномарка водителе - 1993 йылғы ҡатын шунда уҡ һәләк була, ә уның 4 йәшлек балаһы тән йәрәхәттәре менән Баймаҡ үҙәк ҡала дауаханаһына килтерелә. Икенсе водитель ҡотҡарыусылар ярҙамында машинанан сығарылған. Ул да тән йәрәхәттәре алған. Юл-транспорт ваҡиғаһы сәбәптәре асыҡлана. https://vk.com/wall-36843274_9906