Сибай баҙары эшләй башланы

Мәғлүм булыуынса, Сибай баҙары карантинға ябылғайны. Бөгөн, ниһайәт, ул ҡайтанан эшләй башланы. Ләкин баҙарға килеү өсөн бер нисә төп талапты күҙәтергә кәрәк.

Баҙар етәкселеге хәбәр итеүенсә, үҙ тауарын һатыуға тейешле документтары булған эшҡыуарҙарға ғына сауҙа итергә рөхсәт биреләсәк.

Һатыусыларҙың да, һатып алыусыларҙың да баҙарға килгәндә мотлаҡ битлектә, бирсәткәлә булыуы төп шарт булып тора. Иң мөһиме - барыһы ла һаҡланыу сараларын теүәл үтәгәндә, үҙ тауарҙарын тәҡдим итеүселәр һәм һатып алыусылар араһында бер ниндәй ҙә аңлашылмаусанлыҡ булмаясаҡ, ти баҙар етәкселеге.