Ялған хәбәре өсөн штраф алған

Салауат ҡалаһында йәшәүсе 37 йәшлек бер ҡатын социаль селтәрҙәр аша яңы коронавирус хаҡында ялған хәбәр таратҡан.

Республиканың Эске эштәр министрлығының матбуғат хеҙмәтенән хәбәр итеүҙәренсә, ул фейк-бит аша коронавирус хаҡындағы мәғлүмәткә дөрөҫ булмаған комментарий ҡалдырған. Хоҡуҡ һаҡлау органы хеҙмәткәрҙәре өсөн уның ысын исем-фамилияһын билдәләү ауырлыҡ тыуҙырмаған. Хөкөмгә тарттырылыусы үҙенең ғәйебе юҡлығын белдергән. Ләкин административ производство ҡуҙғатылып, эш судҡа тапшырылған. Ялған хәбәр таратҡаны өсөн ул 15 мең һум штраф түләйәсәк.