Карантин талаптарын боҙоусылар бар

Мәғлүм булыуынса, кисә киске сәғәт

8-ҙән республикала айырым режим индерелде. Шул ваҡыттан алып хоҡуҡ һаҡлау органдары, халыҡ дружинаһы, шулай уҡ Баймаҡтағы "Хәрби туғандар" ойошмаһы менән берлектә ҡалала

патруллек итеү ойошторолдо. Шуныһы ҡыҙғаныс, ҡайһы берәүҙәр хәлдең бик етди

икәнлеген аңлап етмәй - үҙҙәре генә лә түгел, балаларын да урамға сығырға рөхсәт итеүселәр бар. Кисә, тәүге тыйылған көндә үк, С. Юлаев проспекты, "Ирәндек" кинотеатры, "Зөфәр" магазины эргәләрендә, Стаханов, Ленин урамдарында үҫмерҙәр патрулгә "эләкте". Бындай осраҡта штрафтар ҙур икәнлеген онотмаһағыҙ ине.