Бында ҡоймаҡ та, буҙа ла ҡоялар!

Өмөтбай ауылының "Әүлиә" ағинәйҙәре тарафынан ойошторолған "АШЪЯУЛЫҠ " проекты уңышлы эшләй. Хужабикәләргә донъя көтөү серҙәре менән уртаҡлашыу маҡсатында бында бәйләү-сигеү, аш-һыу әҙерләү буйынса оҫталыҡ дәрестәре даими үтә. Үткән аҙнала ғына сәк-сәк бешерергә өйрәнгәндәр ине. Кисә иһә уларға Рәйсә Рахматуллина - буҙа ҡойоу, Миңзәлә Зәйнуллина - ыуыҙ һөтөнән ҡоймаҡ ҡойоу, Люциә Утябаева һалма, туҡмас, бишбармаҡ ҡырҡыу буйынса оҫталыҡ дәрестәре күрһәтте. Үҙебеҙҙең милли аш-һыуҙар туҡлыҡлы ла, шифалы ла шул.

Әнүзә Мәжитова етәкселегендәге "Әүлиә" ағинәйҙәре бергә-бергә йәшәү күңеллерәк, еңелерәк икәнен тағы ла бер тапҡыр иҫбатланы. Афарин, өмөтбайҙар!