А.Игебаев ижадына арналған йәш ижадсылар конкурсы дауам итә!

Ҡала һәм районыбыҙҙа яҙышҡан балаларҙы асыҡлау, уларҙы туплап, үҙ-ара бәйләнеш булдырыу маҡсатында “Игебай мәктәбе” клубы яҙ айҙарында ҡәләм тирбәтеүсе мәктәп уҡыусылары араһында Башҡортостандың халыҡ шағиры Абдулхаҡ Игебаевтың тыуыуына 90 йыл тулыуы уңайынан ижади конкурс иғлан иткәйне. Конкурс әле лә дауам итә.

Тәбиғәт йырсыһы, Ватанын сикһеҙ һөйгән, халҡының яҙмышы өсөн әрнеп борсолған, ғүмере буйы тыуған яғы тип янған, күк Ирәндеген юҡһынған, тәбиғәтен ҡурсырға тырышҡан нескә күңелле, оло йәнле бөйөк шағирыбыҙ Абдулхаҡ Игебаевтың әҙәби традицияларын дауам итеп, уның рухында яҙылған ижад емештәрегеҙҙе “Бәйләнештә” селтәрендәге “Игебай мәктәбе” төркөмөнөң битенә ҡуйырға йәки Айгөл Иҙелбаеваға ебәрергә кәрәк буласаҡ (һылтанмаһы: https://vk.com/club191961069).

Бәйгегә йомғаҡ көҙ айҙарында яһаласаҡ. Барлыҡ ҡәләм тирбәтеүсе дуҫтарымды ла конкурста әүҙем ҡатнашырға саҡырам!
Бәйләнеш өсөн телефон: 8 927 636 47 66.
Айгөл апайығыҙ Иҙелбаева (Ишемғужина).