Экотуризмдың яҡшы һәм кире яҡтары ниҙә?

Ҡайҙалыр барып сәйәхәт итеү ― кем өсөндөр бер ниндәй ҙә ауырлыҡ тыуҙырмаһа, бәғзе берәүҙәргә хыял булып ҡала. Шулай ҙа ил иҡтисады өсөн эске туризмды үҫтереү ― өҫтөнлөклө проекттарҙың береһе булып ҡала килә. Урал аръяғы инвестһабантуйы бер нисә секцияға бүленеп эшләне. Иртәнге 10.00 сәғәттә «Ҡалалар: үҫеш биләмәһе», «Эске туризм. Төбәк стратегияһында бәләкәй ҡалаларҙың роле», «Тартылыу үҙәге. Төбәктә халыҡ-ара саралар үткәреү өсөн тәҡдимдәр», «Смартека. Тотороҡло үҫеш тәжрибәһе» платформаларында фекер алышыу ойошторолдо.
Эске туризм тигәндә, күптәрҙең күҙ алдына палаткалар ҡаласығы, Нөгөш һыуһаҡлағысы, Шүлгәнташ мәмерйәһе, Мораҙым тарлауығы кеүек һәм башҡа тәбиғәттең мөғжизәле урындары күҙ алдына килеп баҫа. Әммә нисек кенә матур һәм күңелле булмаһын, бындай ялдың кире яҡтары ла күп. Беренсенән, юл мәсьәләһе. Икенсенән, гигиена яғы аҡһауы. Өсөнсөнән... Дүртенсенән... Һанай китһәң, күп инде. Тап ошондай үҙәккә үткән проблемаларҙы уртаға ярып һалдылар.