+5 °С
Болотло
Файҙалы кәңәштәр
25 Май 2025, 05:00
Кәбеҫтә мул уңышлы булһын өсөн
Кәбеҫтә үҫентеһен баҡсаға ултыртҡанда соҡоро төбенә файҙалы ҡатнашма һалырға кәрәк. Ул былай әҙерләнә: бер ус төбө серетмә, бер аш ҡалағы йомортҡа ҡабығы (ни тиклем ваҡ булһа, шул тиклем яҡшыраҡ) бер аш ҡалағы көл, бер-бер артлы берәр сәй ҡалағы суперфосфат һәм горчица порошогын марганцовкалы ҡайнар һыуҙа болғатып төбенә эҫе килеш һибергә. Һыуынғас, кәбеҫтә үҫентеһен ултыртырға һәм серетмә менән тигеҙләргә. Кәбеҫтәнән мул уңыш алыуҙың бар серҙәре комментарийҙа
Ике аҙнанан һуң - азотлы ашлама (10 литр һуға бер аш ҡалағы ашлама иҫәбенән), тағы ике аҙнанан суперфосфат (2 аш ҡалағы суперфосфатты 20 литр һыуҙа эретергә) мөмкин. Шулай уҡ, ике аҙна һайын коровяк (шыйыҡ һыйыр тиреҫе) һибеү ҙә кәбеҫтә уңышын арттыра. Ә инде ҡоротҡос бөжәктәрҙән ҡотолор өсөн, түбәндәге ҡатнашманы һибеп ҡарағыҙ. 3 литр һуға бер шешә валерианка, бер аш ҡалағы шыйыҡ һабын һалып болғатығыҙ. Әҙер төнәтмәне ҡоротҡостар зарарлаған кәбеҫтәгә һибегеҙ. Шунан һуң уны башҡа бөжәктәр борсомаҫ.
Ә мул уңыш йыйырға бер генә ай ҡалғас, кәбеҫтәне нашатырь спирты менән эшкәртәләр. Бының өсөн: бер шешә (40 г) нашатырь спиртын 5 литр һыуға һалып, ике ҡалаҡ шыйыҡ һабын өҫтәп һибәләр.
Редакция һайлауы
Новости партнеров
