Тәмлееее генәәә ҡамыр менән кәбеҫтә бәлеше

Ингредиенттары: 

150 гp иретелгән аҡ май;  

200 гp ҡаймаҡ 

1 йомортҡа 

0,5 балғалаҡ тоҙ 

1 аш ҡалағы шәкәр

0,5 балғалаҫ cода

450 гp он (саҡ ҡына күберәк йә аҙыраҡ булыуы ихтимал)

⠀ 

Барлыҡ ингредиенттарҙы ҡушып болғатабыҙ. Ондо иләйбеҙ һәм йомшаҡ ҡына итеп ҡамыр баҫабыҙ. Ул ҡулға йәбешергә тейеш түгел. Әҙер ҡамырҙы һыуытҡысҡа ултытртып торабыҙ. 

⠀ 

Эслек: 

700 гp кәбеҫтә

1 кишер

1 баш һуған

2-3 аш ҡалағы мәк 

50-100 мл һөт 

Тәменә ҡарап тоҙ

Ҡурыу өсөн етерлек кимәлдә май

3 йомортҡа

ӘҘЕРЛӘҮ:

Һуғанды турайбыҙ. Кишерҙе ҡырғыстан үткәрәбеҙ ҙа табала ҡурабыҙ. Кәбеҫтәне турап, ыуалайбыҙ. Унан кишер янына оҙатабыҙ. 10-15 минут ҡарайбыҙ. 

Ошонда уҡ мәк, һөт, тоҙ ҡушабыҙ. Ҡапҡасын ябып, әҙер булғансы батырыбыҙ. 

Һөт парға сығып бөткәс, тиҙ генә 3 йомортҡа туҡып ҡушабыҙ. 

Эслек әҙер. 

Ҡамырҙы ике өлөшкә бүләбеҙ ҙә йәйәбеҙ. Һыуыған эслекте һалып, бәлеш эшләйбеҙ. Икенсе өлөшө менән ҡаплап, бөрөп йәбештереп сығабыҙ. 

180 градусҡа тиклем ҡыҙған духовкала 30-40 минут бешерәбеҙ. 

Ашығыҙ тәмле, өҫтәлегеҙ йәмле булһын!