Гемоглобинды күтәрер өсөн

Бының өсөн бер нисә ысул бар.

1. Ҡара бойҙай менән бал

Ҡара бойҙайҙы йыуып, киптереп, иҙер кәрәк булыр. Бының өсөн кофемолка ҡулай булыр. 

Килеп сыҡҡан "ондо" 1:1 миҡдарҙа бал менән ҡушып болғатыр кәрәк. 

Был ҡатнашманы иртәнсәк ас ҡарынға ашап ҡуйығыҙ. Артынан йылы һыу эсегеҙ. 

Өлкәндәр өсөн 1 аш ҡалағы норма булһа, балаларға 1-әр балғалаҡ ҡына бирегеҙ. 

2. Сөгөлдөр менән кишер һуты 

Сөгөлдөрҙөң һутын һығып алығыҙ ҙа 2 сәғәткә һыуытҡысҡа ҡуйып тороғоҙ. 

2 сәғәттән һуң уны 3/1 миҡдарҙа кишер һуты менән ҡушып болғатығыҙ. 

Килеп сыҡҡан һут 250-300 мл булырға тейеш. 

Әҙер һутты ашарҙан 20 минут алда эсегеҙ. 

3. Кесерткән япрағынан эшләнгән пудра менән балдан дауа 

200 г кипкән кесерткән япрағын порогок кеүек иҙегеҙ. 

Уны 1 кг бал менән ҡушып бутағыҙ. 

Әҙер ҡатнашманы көнөнә 1-3 тапҡыр ашарҙан алда 1-әр аш ҡалағы ҡабып ҡуйығыҙ. Артынан йылы һыу эсегеҙ. 

Һау-сәләмәт булығыҙ! 

Халыҡ медицинаһы рецепттарын ҡулланыр алдынан табип менән кәңәшләшегеҙ.