Ғәләмәт шәп ҡамыр

Ғәләмәт шәп ҡамырҙы үҙебеҙ баҫып эҫе һәм хуш еҫле икмәк бешерәйек. 

250 мл йылымыс һыуға шәкәр, әсетке, тоҙ һәм бер аҙ он һалып ҡабартып алабыҙ. Һыу "кәпәсләнергә" тейеш. 

Унан 1 стакан үҫемлек майы, 3 аш ҡалағы майонез һалып болғатабыҙ. Унан кәрәгенсә он һалып йомшаҡ ҡына ҡамыр баҫабыҙ. 

Был ҡамырҙан булочкалар, рогаликтар, пицца, бәлеш бешерергә була. 

Ашығыҙ тәмле, өҫтәлегеҙ йәмле булһын!