Үҙебеҙ ҙә эшләй алабыҙ

Сыр яратаһығыҙмы? Уны үҙегеҙ ҙә эшләй алаһығыҙ. 

Ул бик анһат ҡына эшләнә. Тәме «Село Зеленое» йәки «Фермерский» тигән сырҙы хәтерләтә. 

Башланыҡмы? 

1 литр һөткә ҡайнап сығыр алдынан 1 балғалаҡ тоҙ һәм 3 йомортҡа менән яҡшылап туҡылған магазин ҡаймағын төшөрөгөҙ. 

Һүрән утта болғай-болғай һыуы айырылып сыҡҡанын көтөгөҙ. Унан 1-2 минут ҡайнаһын да, ваҡ тишекле дуршлагка ауҙарығыҙ. 

Өҫтөнә ауырыраҡ әйбер һалып, баҫтарығыҙ. 12 сәғәт һыуы һарҡҡандан һуң, сыр әҙер була. 

Ашығыҙ тәмле, өҫтәлегеҙ йәмле булһын!