Ҡыҫтыбый менән һыйлайыҡ

Ҡамыр өсөн:

– 250 мл йылымыс һыу йәки һөт;
– 1 йомортҡа;
– 70 г аҡ май;
– 1 балғалаҡ шәкәр ҡомо;
– ярты балғалаҡ тоҙ;
– 1/3 балғалаҡ аш содаһы;
– 400 г он;
– ҡыҫтыбыйҙы майларға 150 г аҡ май кәрәк була.

Эслек

Иң киң таралғаны - картуф иҙмәһе
– Картуфты тоҙло һыуҙа бешереп алырға. Һыуын һарҡытҡас, йылы һөт, аҡ май, кәрәк икән тәменә ҡарап тоҙ һалырға һәм яҡшылап иҙергә.
– Һуғанды йыуып, ваҡлап турарға, май һалынған табала ҡыҙҙырырға һәм иҙелгән картуфҡа ҡушып болғатырға.
– Теләк буйынса, уға йәшел тәмләткестәр, ваҡланған ҡара борос, петрушка, укроп, салат япраҡтарын да турап ҡушырға мөмкин.
– Картуфҡа 1 сей йомортҡа ҡушып иҙһәң, ул күпереп торасаҡ.