Баҡса эштәре менән ҡулдарығыҙ ярылып бөттөмө?

Баҡсала йөрөп, ҡулдарығыҙ ярылып бөттөмө? Түбәндәге ысул һеҙгә ярҙам итер. Уның өсөн 1 литр йылы һыуҙа 2 аш ҡалағы тоҙҙо һалып иретәбеҙ һәм 10 минут тирәһе унда ҡулдарҙы тотоп торабыҙ. Һуңынан ҡулды йыумайынса, түбәндәге составта эшләнгән мазды һөртәбеҙ: 1 йомортҡа һарыһы. 1 аш ҡалағы бал, 1 аш ҡалағы көнбағыш майы алабыҙ. 20 минуттан һуң ҡулды йыуырға ла мөмкин. Ҡулдарығыҙ йомшаҡ ҡына, шыма ғына булып ҡаласаҡ. Һөҙөмтәһен 3-4 көндән һуң күрерһегеҙ.