Еләктән джем

Ҡуйы һәм тәмле генә джем. Уның өсөн 1 кг еләк, 700 г шәкәр ҡомо, 2 аш ҡалағы пектин йәки агар-агар кәрәк.

Еоәктәрҙе йыуып таҙартабыҙ. Блендер йәки ит турағыс аша тартабыҙ. Еләктәрҙең матур бер нисәүһен бөтөн килеш ҡалдырабыҙ. Пектинды 100 г һыуҙа иретәбеҙ, уға  2 аш ҡалағы шәкәр ҡомо өҫтәп болғатабыҙ. Шуға еләк массаһын ҡоябыҙ һәм талғын утҡа ҡуябыҙ. Ҡарап тороғоҙ, уның "ҡасыуы" бар. Ҡайнап ҡына сыҡһа ҡалған шәкәрҙе һалабыҙ һәм тағы ла 5 минут ҡайнатабыҙ. Уттан алғас, стерилле банкаларға ҡоябыҙ. Шунда уҡ һәр банкаға бер нисә бөтөн еләктәрҙе лә һалып ебәрәбеҙ. Масса шулай яйлап ҡына һыуына һәм ҡуйыра. Еләк джемын һыуыҡ ерҙә һаҡлайрға. 

Фото асыҡ сығанаҡтан алынды: