Баҡса еләгенән тел йоторлоҡ тәмлекәс

Баҡса еләгенән тел йоторлоҡ тәмлекәс

Был ҡайнатма бик үҙенсәлекле тәм менән һәм мармелад кеүек ҡуйылыҡта килеп сыға.

2 кг еләк, 1,5 кг шәкәр, 2 лимон, 25 бөтнөк япрағы, 25 базилик япрағы.

Еләкте шәкәргә болғап ултыртырға. Һуты сыҡҡас биш минут ҡайнатырға ла, бөтнөк һәм базилик япраҡтарын һалып тағы 5 минут ҡайнатырға. Ҡайнатмаға туралған лимонды һәм уның ваҡ ҡырғыс аша үткәрелгән ҡабығын һалабыҙ. Талғын утта 15 минут тотабыҙ. 8-10 сәғәткә ултыртып торабыҙ ҙа, тағы 5 минут ҡайнатабыҙ. Стерилләнгән банкаларға һалып, ҡапҡас ябабыҙ.

Йорттарыбыҙға ҡот-бәрәкәт насип итһен!

Гүзәл Иҫәнгилдина.