Метаболизмды арттыра торған эсемлектәр

Метаболизмды арттыра торған эсемлектәр

Матдәләр алмашыныуын көсәйтә торған тәүге рецепт 

Бер алманы алып, ваҡ ҡына киҫәктәргә турайбыҙ. Унан 300 мл һыу һәм 1 десерт ҡалаҡ менән ваҡланған дәрсен һалып, һалҡыныраҡ урында 2 сәғәт төнәтәбеҙ. Йоҡлар алдынан уны эсегеҙ. 

Ошолай иткәндә метаболизм көсәйә һәм организмдағы артыҡ һыуҙы сығара, артыҡ "майҙы" иретә. 

2-се рецепт

Бер стакан кефирға бер десерт ҡалағы дәрсен порошогын һәм ярты ҡалаҡ имбир порошогын һалып болғатығыҙ. Был эсемлекте көнөнә ике тапҡыр: иртән һәм кис эсегеҙ. 

3-сө рецепт

300 гр япраҡлы йәшел сәйҙе бешереп, бер десерт ҡалағы дәрсенде һалыр болғатабыҙ. Бер аҙ һыуынғас, бер балғалаҡ бал ҡушып болғатабыҙ. Төшкө һәм киске аштан ярты сәғәт алда эсегеҙ. 

Һау-сәләмәт булығыҙ!