+24 °С
Ямғыр
Файҙалы кәңәштәр
24 Октябрь 2022, 07:45
Ялҡауҙар бәлеше
Төш килеп тә етте. Төшкө ашҡа нимә бешерәйем, тип баш ватма. Тиҙ генә "ялҡауҙар" бәлешен бешерә һал. аптыранаһың. Был бәлеш өсөн 2 йомортҡа, 1 стакан кефир, ярты балғалаҡ сода, 1 стакан он, ярты балғалаҡ тоҙ, 250 гр ҡаты сыр, 200 гр сосиска (ветчина, колбаса), тәменә ҡарап йәшелсә (укроп, һуған һ.б.) алына.
Ялҡауҙар бәлеше
Төш килеп тә етте. Төшкө ашҡа нимә бешерәйем, тип баш ватма. Тиҙ генә "ялҡауҙар" бәлешен бешерә һал. аптыранаһың.
Был бәлеш өсөн 2 йомортҡа, 1 стакан кефир, ярты балғалаҡ сода, 1 стакан он, ярты балғалаҡ тоҙ, 250 гр ҡаты сыр, 200 гр сосиска (ветчина, колбаса),
тәменә ҡарап йәшелсә (укроп, һуған һ.б.) алына.
2 йомортҡаны тоҙ һалып туҡырға. Кефирға сода һалып, уның һүнгәнен көтәбеҙ. Унан туҡылған йомортҡа менән ҡушабыҙ. Он өҫтәп яҡшылап болғатабыҙ. Әҙер ҡамыр оладьи ҡамыры ҡуйылығында булырға тейеш.
Сырҙы эре ҡырғыстан үткәрәбеҙ, йәшелсәне ваҡ итеп турайбыҙ. Сосисканы (ветчина, колбаса) киҫәкләп турайбыҙ. Барыһын бергә ҡамырға ҡушып бутайбыҙ.
Таба эсенә аҡ май һөртәбеҙ ҙә киптерелгән икмәк онтағы йә манный ярмаһы һибәбеҙ. "Бәлеште" һалып, һаҡ ҡына ҡалаҡ менән тигеҙләп йәйәбеҙ.
200 градус эҫелектәге духовкала 25 минут тирәһе бешерәбеҙ.
Ашығыҙ тәмле, өҫтәлегеҙ йәмле булһын!
Фото интернет селтәренән алынды
Редакция һайлауы
