Тымауҙан ҡотолайыҡ

Тымауҙан тиҙ генә дарыуһыҙ ғына ҡотолорға уйлаһаң... 

Халыҡ медицинаһының был рецепттары ярҙамға килер. 

1. Бал. 

Бинттан ике жгут әҙерлә лә балға манып ал. Унан танауыңа 3-4 см итеп тығып ҡуй.

2. Баллы тамсылар 

Балды 1:2 кимәлдәге йылы һыу менән иҙеп, танауҙың һәр тишегенә 5-8 тамсы тамыҙ. Был процедураны көнөнә 3-4 тапҡыр ҡабатла. 

3. Һуған менән бал.

3 аш ҡалағы һуған бутҡаһын 2 аш ҡалағы ҡайнап бер аҙ һыуытылған һыу менән бута. Унан был иҙмәгә 1 балғалаҡ бал ҡуш. Барыһын яҡшылап болғатҡандан һуң көнөнә 4-5 тапҡыр 4-6-шар тамсы тамыҙ. 

4. Бешкән йомортҡа. 

2 йомортҡаны йоморлап көйө бешереп ал да йылы килеш танауға ике яҡтан һыуынғансы баҫып тор. 

5. Арыш шөкәрәһен (сухарь) эҫе табаҫа һал. Яна башлаһа, төтөнө менән 2-3 минут тын ал. Көнөнә бер нисә тапҡыр ҡабатла. Әммә ныҡ тырышып ташлама, яндырып йә сәсәп ҡуйма.

Һау-сәләмәт бул! 

Халыҡ медицинаһы рецептарын ҡулланғанда һаҡлыҡ күрһәт, табип менән кәңәшләшергә онотма!