Был ябай ғына печеньелар өсөн 130 мл кефир, 1 йомортҡа, 1/3 балғалаҡ тоҙ, 1 аш ҡалағы шәкәр (ҡамырға ҡушыла), 80 мл үҫемлек майы, 1 балғалаҡ разрыхлuтель, 300 гр он, өҫтөнә һибер өсөн йәнә шәкәр кәрәк була.
Табаҡҡа кефирҙы ҡоябыҙ, шунда уҡ йомортҡаны һытып һалабыҙ, тоҙ, шәкәр, үҫемлек майын ҡушып болғатабыҙ. Унан он иләп һәм разрыхлитель төшөрөп ҡамыр баҫабыҙ.
Әҙер ҡамырҙан печеньелар эшләйбеҙ. Өҫтөнә шәкәр һибеп, 180 градусҡа тиклем ҡыҙҙырылған духовкала 25-30 минут тирәһе бешереп алабыҙ.
Ашығыҙ тәмле, өҫтәлегеҙ йәмле булһын!
