Биш минутта әҙер була торған ҡайнатма

Был ҡайнатма өсөн 1 кг туралған алмаға 150—200 гр шәкәр кәрәк була. 

Әҙер алмаларҙы 1,5—2 см ҡалынлығында турап, өҫтөнә шәкәр һалабыҙ.

Бер сәғәттәй ултыртып торабыҙ. Мәле-мәле менән болғатып торорға онотмайбыҙ.

Һуты айырылыу менән һүрән генә утҡа ултыртабыҙ.

Алма төбөнә йәбешеп ҡуймаһын өсөн йыш ҡына болғатабыҙ. Әҙер ҡайнатманы банкаларға һалып, ҡапҡасын нығытабыҙ.

Ашығыҙ тәмле, өҫтәлегеҙ йәмле, ҡышығыҙ йәйле булһын!