Юғары ҡан баҫымынан шәп рецепт

Өс литрлыҡ банкаға 55 градуслы көслө көмөшкә (самогон) ҡойоп, яртышар стакан кипкән әлморон менән энәлек, ҡара миләш, ҡабығы менән кедр сәтләүектәре, ирга сәскәләре, бөтнөктөң 4 япрағын, ҙур булмаған һары мәтрүшкә, мәтрүшкә, сәскәһе менән бергә ҡанүлән (чабрец) һалына. Ҡапҡасын нығытып япҡандан һуң ҡараңғы урында 2 аҙна төнәтелә. 

Төнәтмәне һөҙөп, шешәләргә ҡойоп сығығыҙ. Әҙер төнәтмә һалҡынса урында һаҡлана.

Ашар алдынан иртәле-кисле 1-әр аш ҡалағы эсергә кәңәш ителә. Ҡайһы берәүҙәрҙең 1 аҙнанан ҡан баҫымы нормалаша. Шулай ҙа төнәтмәне бөткәнсе эсеп бөтөргә кәңәш ителә.

Һау-сәләмәт булығыҙ! 

Халыҡ медицинаһы рецептарын ҡулланғанда һаҡлыҡ күрһәтегеҙ, табип менән кәңәшләшергә онотмағыҙ!