"Яңы түтәлдән өҙөлгән кеүек" салаты

Төҫлө-төҫлө булған был салатты эшләү әллә ни мәшәҡәт тыуҙырмай. Ә әҙер салат бер кемде лә битараф ҡалдырмаҫ.  

Ингредиенттары:

* 1,5 кг помидор;

* 1 кг татлы борос;

* 1 кг ҡыяр;

* 0,5 кг һуған; 

* 0,5 кг кишер; 

* 1 стакан үҫемлек майы;

* 1 стакан шәкәр; 

* 1 стакан 9%-лы уксус;

* 2 аш ҡалағы тоҙ;

* 1 балғалаҡ ҡара борсаҡлы борос;

*  лавр япрағы. 

Йәшелсәләрҙе яҡшылап йыуып, тураҡлап кәстрүлгә тултырабыҙ. Унан башҡа компоненттарҙы тултырып, берәй сәғәткә ҡалдырып торабыҙ. 

Хәҙер утҡа ултыртып, 5 минуттай ҡайнатып алабыҙ. Салат әҙер. Стерилләнгән банкаларға тултырып, ҡапҡасын нығытырға ғына ҡалды. Төрөп ҡуябыҙ ҙа һыуынғанын көтәбеҙ. 

Бына ҡыш көнө йәйҙе хәтерләтә торған салат әҙер. 

Ашығыҙ тәмле, өҫтәлегеҙ йәмле булһын!