Шешенеүҙән һаҡлай!

Шешенеүҙән (отек) һаҡланыу өсөн халыҡ ысулы ла яҡшы ярҙам итә. Уның өсөн геркулес ярмаһы кәрәк буласаҡ. Тәүҙә ҡаптың төбөнә иғтибар итегеҙ: унда 1 һаны яҙылһа - ул иң эреһе. Һаҡлау ваҡыты алты айҙан артмаҫҡа тейеш, шулай икән - файҙалыраҡ.

Бер порция өсөн өймәләм ике ҡалаҡ ярма алып, тишекле һауытта йыуабыҙ ҙа өҫтөнә 300 мл ҡайнар һыу ҡойоп, биш минут ҡайнатабыҙ һәм 10 минутҡа ултыртып ҡуябыҙ.

Шифалы эсемлекте көнөнә бер-ике тапҡыр ашарҙан 20 минут алдан эсергә. Ай буйы эскәндән һуң 10 көн ял итергә.

Был төнәтмәнең файҙаһы нимәлә? Организмдың һаҡланыу сараһы үҫешә, иммунитет күтәрелә, ҡул-аяҡтың шешенеүе бөтә. Бәүел бүленеү эшмәкәрлеге һәм ҡан баҫымы яйға һалына.