Ҡоротҡос бөжәктәр ҡаҡшаттымы?

Баҡса үҫтерәбеҙ ҙә ул. Бына шул ҡоротҡос бөжәктәр ҡаҡшата. Уларҙан нисек ҡотолорға? Ҡоротҡос бөжәктәрҙән ҡотолоу өсөн 3 литр һыуға бер шешә валерианка, бер аш ҡалағы шыйыҡ һабын ҡойоп болғатырға. Әҙер төнәтмәне ҡоротҡостар зарарлаған кәбеҫтәгә һибергә. Уңыш йыйып алырға бер ай ҡалғас, кәбеҫтәне нашатырь спирты менән эшкәртәләр. Бының өсөн 40 гр нашатырь спиртын 5 литр һыуға һалып, 2 аш ҡалағы шыйыҡ һабын ҡойоп, яҡшылап болғатырға кәрәк.

Фото асыҡ сығанаҡтан алынды.