Эремсектән торт

Был күпереп торған тортты бешереү өсөн 0,5 кг эремсек, 1 йомортҡа, 2 стакан шәкәр, 2 балғалаҡ сода, 3  стакан он кәрәк бул. 

Башта эремсеккә шәкәр һәм йомортҡаны ҡушып, ыуабыҙ. Унан һыуы бүленеп сыҡһын өсөн ултыртып торабыҙ ҙа сода һәм он өҫтәп ҡамыр баҫабыҙ. 

Әҙер ҡамырҙы 6 өлөшкә бүләбеҙ. Алты коржды алдан ҡыҙған духовкала 5-7 минут тирәһе бешереп алабыҙ. Өҫтө алланып бешергә тейеш. 

Хәҙер кремға сират етте. Бының өсөн 4 йомортҡа һарыһын, 1 стакан шәкәр, 2 аш ҡалағы он, 3 стакан һөт алабыҙ. 

Башта йомортҡа һарыһын шәкәр менән туҡып алабыҙ ҙа һыуытҡыстан алынған һөт менән ондо өҫтәйбеҙ. Барыһын бергә яҡшылап болғатабыҙ. 

Унан хорошо ҡатнашманы һүрән утҡа ултыртып, болғай-болғай бешерәбеҙ. Ҡуйырып сыҡҡас уттан алабыҙ. 

Хәҙер сират бисквиттарға етте. Һәр ҡайһыһын түңәрәкләп матур итеп ҡырҡабыҙ ҙа крем һөртөп, ҡатлап һалабыҙ. 

Аҙаҡ үҙебеҙ теләгәнсә биҙәйбеҙ. 

Ашығыҙ тәмле, өҫтәлегеҙ йәмле булһын!