Йәһәт кенә әҙер була торған бисквит

Бының өсөн 2 йомортҡа, 10 аш ҡалағы һөт, 4 аш ҡалағы үҫемлек майы, 3 аш ҡалағы какао, 8 аш ҡалағы шәкәр, 6 аш ҡалағы он, 1 балғалаҡ разрыхлитель йәки уксус менән һүндерелгән сода кәрәк була.

Башта йомортҡа менән шәкәрҙе ҡуша туҡып алабыҙ. Унан какао ҡушып, ипләп кенән болғатабыҙ. Шоколадлы ҡатнашмаға он, разрыхлитель өҫтәп, болғатабыҙ. 

Ҡуйы ғына ҡамыр килеп сыға. Был ҡамырға үҫемлек майы менән һөт өҫтәйбеҙ. Барыһын бергә яҡшылап болғатабыҙ. 

Әҙер ҡамырҙы майлы формаға ҡойоп, микроволновкаға оҙатабыҙ. Ул 4 минутта әҙер була.

4 минуттан һүрәттә күргәнсә шәп бисквиттар менән яҡындарығыҙҙы һыйлай алаһығыҙ! 

Сәйегеҙ тәмле, өҫтәлегеҙ йәмле булһын!