Баҡсала йөрөп ҡулығыҙ ярылманымы әле?

1 литр йылы һыуҙа 2 аш ҡалағы тоҙҙо иҙәбеҙ. Был иҙмәгә ҡулды тығып, 10 минут көтөгөҙ. Ҡулды тоҙло һыуҙан алғас, һөртөргә ашыҡмағыҙ. Ҡулдарыбыҙҙы алдан әҙерләгән майға тығып алабыҙ.  

Ә май былай яһала: 

* 1 йомортҡа һарыһы;

* 1 аш ҡалағы бал;

* 1 аш ҡалағы үҫемлек майы.

Ҡулдағы был масканы 20 минуттан һыу йыуып төшөрәбеҙ. 

Масканың эффекты ғәләмәт шәп: ҡул тиреһе йомшаҡ ҡына, һығылмалы һәм шыма булып ҡалыр. Ғәҙәттә уны 3-4 көн ҡулланғандан һуң ярылған урындар бөтә. 

Һау-сәләмәт булығыҙ!