Ләүәш эсендә бөйөрөк

Ингредиенттары: 

*2-3 йоҡа ләүәш 

*200 гр ветчина;

* 150 гр ҡаты сыр 

* 1-2 помидор

* 2-3 аш ҡалағы майонез

* 2-3 йомортҡа 

* тоҙ

* борос 

* тәменә ҡарап петрушка йәки башҡа йәшелсә

* ҡыҙҙырыу өсөн үҫемлек майы. 

Ветчина, сыр һәм помидорҙы турайбыҙ. Йәшелсәне лә ваҡ итеп турағыҙ. 

Эслектең ингридиенттарын бергә ҡушып болғатабыҙ. Йомортҡаны туҡып, тоҙлап, борослап ҡуябыҙ. 

Ләүәште ҙур булмаған шаҡмаҡтарға б-леп ҡырҡабыҙ. Һәр квадратҡа эслек һалып сығабыҙ ҙа конверттарҙы төрәбеҙ ҙә туҡылған йомортҡаға манып алабыҙ. Ҡыҙҙырылған табаға май ҡойоп, уны ике яҡлап ҡурып алабыҙ. 

Ашығыҙ тәмле, өҫтәлегеҙ йәмле булһын!