Сәс өсөн маска

Был масканы әҙерләү әллә ниндәй мәшәҡәт тыуҙырмай. Йомортҡа һарыһын 1 аш ҡалағы иретелгән бал менән бергә туҡыйбыҙ. Туҡыған саҡта масса ағарып, бер аҙ ҡуйырырға тейеш. Ошонда уҡ 1 аш ҡалағы ҡаймаҡ йә йогурт, 1 балғалаҡ үҙегеҙ теләгән үҫемлек майын, бер нисә тамсы роза, сандал, ромашка эфир майын өҫтәргә лә мөмкин.

Йомортҡалы-баллы масканы ҡоро сәскә һылайҙар ҙа 20-25 минуттан һуң йыуып төшөрәләр. Тәьҫире көслөрәк булһын өсөн башты косынка йә ҡалын ялбыр (махровый) таҫтамал менән уратығыҙ. 

Сәсегеҙ -- ғорурлығығыҙ билдәһе булып торһон! Бәхетле булығыҙ!