Ялҡауҙар бәлеше

Ябай ҙа, тиҙ ҙә бешә торған бәлеш. Артыҡ әллә ни ҙә кәрәкмәй уны бешереү өсөн. 

Шлуай итеп, бәлешкә 3 йомортҡа, 1 стакан ҡаймаҡ, 3 аш ҡалағы майонез, 0,5 балғалаҡ тоҙ, семтем сода (һүндерергә кәрәкмәй), 1 стакан онда бергә ҡушып болғатабыҙ. 

Ҡамырҙың яртыһын формаға ҡоябыҙ. Унан эслекте һалабыҙ.

Ә эслекте былай эшләйбеҙ: фаршты ҡурып алабыҙ ҙа, һуған, помидор, йәшелсә ҡушып йәнә ҡурабыҙ. Өҫтөнә ҡалған ҡамырҙы ҡоябыҙ. 

Духовкала ҡыҙарғансы бешереп алабыҙ. 

Әйткәндәй, эслекте үҙегеҙ теләгәнсә үҙгәртә алаһығыҙ. 

Ашығыҙ тәмле, табынығыҙ йәмле булһын!