Мармелад

Был һағыҙ кеүек сәйнәй торған мармеладты 1 пакетик (90 гр) йәшелсә-емеш желеһынан, 30 мл (4 балғалаҡ) желатиндан, 25 мл (3 балғалаҡ) шәкәрҙән, 1/2 балғалаҡ лимон кислотаһынан, 130 мл ҡайнар һыуҙан (йомшағыраҡ булһын тиһәгеҙ 200 мл һыу алығыҙ) эшләргә була.

Барлыҡ ҡоро ингредиенттарҙы табаҡҡа һалып, ҡайнар һыу менән болғатабыҙ. Һүрән утҡа ҡуйып, болғай-болғай бешерәбеҙ.

Килеп сыҡҡан массаны силикон формаға ҡалаҡлап һалып сығабыҙ. Унан һыуытҡысҡа 10 минут тирәһенән ултыртып торабыҙ. Күберәккә лә мөмкин. Мармелад ҡатҡас, форманан ысҡындырып алабыҙ.

Ашығыҙ тәмле, өҫтәлегеҙ йәмле булһын!