Корейса помидорҙар

Был салатты алыр өсөн эре итеп туралған 2 кг помидор, 4 шт болгар боросо, 2 баш һарымһаҡ, 2 шт ҡыҙыл әсе борос, йәшелсә кәрәк була. Заправка өсөн 100 гр уксус, 100 гр үҫемлек майы, 100 гр шәкәр, 2 аш ҡалағы тоҙ алына.

Башта боросто, һарымһаҡты, 2 әсе боросто ит турағыстан үткәрәбеҙ ҙә туралған йәшелсә ҡушабыҙ.

Хәҙер инде 3 литрлыҡ банкаға ҡатлап, башта помидор, унан заправкаһыны, йәнә йәшелсәне һалабыҙ.

Банкаларҙы ҡапҡасын нығытып, баш түбән ултыртып торабыҙ. Был тәмлекәс 8 сәғәттән әҙер була.

Өҫтәлегеҙ йәмле, ашығыҙ тәмле булһын!

Автор:Эльмира Киеккужина

Читайте нас:

Редакция һайлауы