Һырҙарҙан ҡотолайыҡ

Әгәр һеҙҙең битегеҙҙең тиреһе ҡоро булһа, бешкән картуфтан битлек эшләй алаһығыҙ. Бының өсөн бешкән картуфты сәнске менән иҙәбеҙ, унан 1-2 аш ҡалағы эҫе һөт менән йомортҡа һарыһын ҡушабыҙ. Картуф иҙмәһен йылы килеш биткә, муйынға һылайбыҙ. 20 минуттан һуң башта - йылы, унан һалҡын һыу менән йыуып төшөрәбеҙ. Бындай битлек битте сафландыра, туҡландыра, ваҡ һырҙарҙы бөтөрә. Әйткәндәй, был битлек ҡоро һәм ҡартая башлаған бит тиреһе өсөн бик ҡулай булып ҡала.