Селтәрле ҡоймаҡ

3 йомортҡа, 460 гр һөт, ярты балғалаҡ тоҙ, 45 гр шәкәр (3 аш ҡалағы), 200 гр он, 20 гр үҫемлек майы (2 аш ҡалағы), 200 гр ҡайнар һыу.

Йомортҡаны бер аҙ туҡып алабыҙ ҙа һөттөң яртыһын, тоҙ, шәкәр ҡушабыҙ. Йәнә туҡып алабыҙ. Яйлап ҡына туҡый-туҡый он өҫтәй барабыҙ. Һөттөң ҡалғанын, май ҡушып, яҡшылап болғатабыҙ. Ҡамыр әҙер булғас ҡына ҡайнар һыу ҡушып ебәрәбеҙ.

Эҫе табаға бер-ике тамсы май төшөрөп, ҡоймаҡтарҙы ике яҡлап бешереп алабыҙ. Әгәр ҡоймаҡты әйләндереү ауырлыҡ тыуҙырһа, йә йолҡолоп торһа, бер аҙ он өҫтәп берәрергә мөмкин.

Өҫтәлегеҙ йәмле, ашығыҙ тәмле булһын!