+17 °С
Облачно
Файҙалы кәңәштәр
1 Марта 2021, 13:14
Сыр
Сыр тигәс тә әллә ни күп һөт тә кәрәк түгел. Ни бары ярты литр ҙа етә. Бынан тыш йәнә лә 500 гр эремсек, 2 йомортҡа һарыһы, яртышар балғалаҡ сода, тоҙ, үҙегеҙ теләгән тәмләткестәр әҙерләп ҡуйығыҙ.
Сыр яһар өсөн 2.5% 500 мл һөт, 5%-лы 500 гр эремсек, 2 йомортҡа һарыһы, яртышар балғалаҡ сoда, тоҙ, тәмләткестәр кәрәк була.
Һөттө ҡайнатып сығарабыҙ һәм эремсек өҫтәйбеҙ. Яҡшылап тороп болғатабыҙ. 3-4 минут бешерәбеҙ. Был ваҡытта эркет һыуы айырылып сығырға тейеш. Эремсек массаһын дуршлагка ауҙарабыҙ. Артабан эркет һыуы кәрәкмәйәсәк. Тәрән табаны майлайбыҙ ҙа эремсекте һалабыҙ. Унан берәмләп йомортҡа һарыһын, тоҙ, сода, тәмләткестәрҙе өҫтәйбеҙ. Бер туҡтауһыҙ болғатабыҙ. Эремсек һуҙылып торорға тейеш.
Алдан әҙерләгән һауытҡа һалып, һыуытырға ҡуябыҙ.
Сыр әҙер! Өҫтәлегеҙ йәмле, ашығыҙ тәмле булһын!
Редакция һайлауы
