"Тәмлекәс" салаты

Был салатты эшләүе еңел генә. Уның өсөн бер нәмә лә бешерергә кәрәкмәй. Шулай итеп, ярты кәбеҫтә, 1 эре ҡыяр, 1 баш һуған, 200 гр колбаса, майонез, аш тәмләткестәр алабыҙ.

Кәбеҫтәне йоҡа ғына итеп турайбыҙ. Пекин кәбеҫтәһе булһа, тағы ла тәмлерәк килеп сыға. Ҡыярҙы, колбасаны туҡмас һымаҡ, һуғанды оҙонса киҫәктәргә киҫәбеҙ. Майонез, аш тәмләткестәр өҫтәп бутайбыҙ. Салат әҙер!

Ашығыҙ тәмле булһын!