«Биш минут» ҡамыры

Бының өсөн ярты литр һөт, 5 стакан он, 2 аш ҡалағы шәкәр, ярты балғалаҡ тоҙ, 2 аш ҡалағы үҫемлек майы, ҡоро сүпрә кәрәк була.
Табаҡҡа он менән әсеткене һалып болғатабыҙ. Унан яйлап ҡына йылымыс һөттө ҡоябыҙ. Унан бер-бер артлы шәкәр, тоҙ, үҫемлек майын өҫтәйбеҙ. Барыһын бергә ҡалаҡ менән болғатабыҙ ҙа йәнә бер стакан он өҫтәйбеҙ. Ҡул менән яҡшылап баҫабыҙ һәм целлофан пакетҡа һалып, һыуытҡысҡа ҡуябыҙ. Йәнә 2 сәғәттән ҡамыр әҙер була.
Әйткәндәй, был ҡамырҙы һыуытҡыста оҙағыраҡ та һаҡлап була.
Ашығыҙ тәмле, өҫтәлегеҙ йәмле булһын!