Остехондроздан дөгө кеҫәле ярҙам итер

1 литр ҡайнатып һыуытылған һыуға 4 аш ҡалағы үҙегеҙ теләгән дөгө сортын (тик онтағы булырға тейеш түгел), 3 аш ҡалағы шәкәр һәм 5 ҡара йөҙөм һалабыҙ. Барыһын бергә болғатып, кеҫәлде 4 көн әсетәбеҙ. Әгәр эҫерәк урында ултырһа, 3 көн дә етә. Әсегән кеҫәлде һөҙөп, шешәгә ҡойоп, һыуытҡыста һаҡлайбыҙ. Яртышар стакан кеҫәлде ашағандан һуң көнөнә өс тапҡыр эсергә кәрәк.

Кеҫәлдең киләһе порцияһы тәүгеһенең ҡалдығынан эшләнә. Йәнә лә 3 аш ҡалағы лөгө, 3 аш ҡалағы шәкәр, 4 йөҙөм өҫтәйбеҙ. Шулай уҡ 4 көн төнәтәбеҙ.

Икенсе тапҡыр һөҙөп алғандан һуң, ҡалған "әсеткенең" өҫтөнә 2 аш ҡалағы дөгө, 2 аш ҡалағы шәкәр һәм 3 йөҙөм өҫтәйбеҙ.

Был кеҫәл дөгө менән таҙарыныу принцибы менән башҡарыла. Тик был еңелерәк эшләнелә. Мәшәҡәте лә кәмерәк.