Фольганың ҡайһы яғы файҙалы?

Хужабикәләрҙә уның бер яғы аҙыҡҡа насар матдә бүлеп сығара, тигән фекер йәшәй. Фольга ике яҡлы була. Уның бер яғы тоноҡ, икенсеһе ялтырап тора. Аҙыҡ бешергәндә ҡайһы яғын ҡулланырға?

Фольганың ялтырау-ялтырамауы уның технологияһына бәйле. Ул станок аша сыға. Роликка тейеп торған яғы ялтырай, ә икенсе яғы тоноҡ ҡала. Белгестәр фекеренсә, аҙыҡты ҡайһы яғына төрөп бешереүҙә айырма юҡ. Шулай ҙа ялтырап торған яғы йылы һаҡлай. Ә тоноғо, киреһенсә, йылыны үҙенә тарта. Шунлыҡтан ялтырауыҡ яғына һалып төргәндә, аҙыҡ тиҙерәк бешә.

Бында тағы ла бер үҙенсәлеге бар – шыма, ялтырауыҡ яғына аҙыҡ йәбешмәй. Уның өсөн фольганы үҫемлек майы менән дә майларға мөмкин.

Фото асыҡ сығанаҡтарҙан алынды.