Ваҡ бәлеш

ҠАМЫР: 0,5 л. йылымыс кефир + 1 балғалаҡ сода + 2-3 ҡалаҡ майонез + 100 гр. аҡ май + 2 ҡалаҡ көнбағыш майы + бер балғалаҡ тоҙ + 2 балғалаҡ шәкәр + 1 йомортҡа + он = барыһын бергә болғап, йомшаҡ ҡына итеп ҡамыр баҫырға.

ЭСЛЕК: 500 гр. фарш (ваҡ ҡына туралған тауыҡ ите лә ярай) + 6-7 эре бәрәңге + 2-3 баш ҙур һуған + ус аяһындай ҡаҙ майы + тоҙ + борос = барыһын да турап, бергә болғатырға.

Ваҡ бәлештәр йәки өсмөйөштәр эшләп, алдан ҡыҙҙырылған 180 градуслы мейестә 30-35 минут тирәһе бешергәс, өҫтөн ирегән май менән буяп ҡуябыҙ.

Ашығыҙ тәмле булһын!