Бауырҙан ҡоймаҡ

Һуғым осоро башланып тора. Шунлыҡтан малдарҙың эс-бауырҙарынан тәмле ризыҡтар бешереү серҙәре менән ураҡлашмаҡсыбыҙ. Бөгөн бауырҙан ҡоймаҡ ҡойоу рецебын тәҡдим итәбеҙ.

250 г бауыр, 2 стакан он, 700 г hөт, 1 балғалаҡ тоҙ, сода, 1 аш ҡалағы һеркә, 2 йомортҡа, 2 теш hарымhаҡ, ярты стакан көнбағыш майы кәрәк.

Йомортҡа, тоҙ, сода, һеркә hәм hөттө әҙләп кенә ҡушып болғатырға. Сей көйө үткәрелгән бауырҙы көнбағыш майы, он hалып, бер төрлө иҙмә барлыҡҡа килгәнсе болғатырға. Табала ҡоймаҡ кеүек бешерергә. Һарымhаҡты иҙеп, майонез йәки ҡаймаҡҡа ҡушып, әҙер ҡоймаҡ өҫтөнә hөртөргә. Табынға hыуытып бирергә.

Ашығыҙ тәмле булһын!

Фото: асыҡ сығанаҡтарҙан.