Бөтә яңылыҡтар
Файҙалы кәңәштәр
17 Ноябрь 2020, 21:50

Виноградты һыуыҡтан һаҡлағыҙ!

Беҙҙең шарттарҙа виноградтан мул уңыш алыу өсөн уны яҡшылап тәрбиәләргә һәм ҡышҡы һыуыҡтан һаҡларға кәрәк. Уны төндә - 15-20, көндөҙ 10-15 градусҡа тиклем һыуыта башлағас ҡына ҡапларға кәрәк. Сөнки ул сынығыу алырға тейеш. Дөрөҫ, баҡсасылар виноградты һаҡлауҙың төрлө ысулын ҡуллана. Беҙ һеҙгә уның еңелен генә тәҡдим итмәксебеҙ.

Беҙҙең шарттарҙа виноградтан мул уңыш алыу өсөн уны яҡшылап тәрбиәләргә һәм ҡышҡы һыуыҡтан һаҡларға кәрәк. Уны төндә - 15-20, көндөҙ 10-15 градусҡа тиклем һыуыта башлағас ҡына ҡапларға кәрәк. Сөнки ул сынығыу алырға тейеш. Дөрөҫ, баҡсасылар виноградты һаҡлауҙың төрлө ысулын ҡуллана. Беҙ һеҙгә уның еңелен генә тәҡдим итмәксебеҙ.
Тәү сиратта уның ҡартайған һәм зарарланған ботаҡтарын ҡырҡып ташлағыҙ. Һуңынан виноградтың ботаҡтарын бергә йыйып төптән бәйләгеҙ һәм спанбонд, лутрасил менән яҡшылап төрөгөҙ. Аҫтына фанера, таҡта һалып, ергә ятҡырғандан һуң, өҫтөнә баҡсала үҫкән сәскәләрҙең, топинамбурҙың кипкән һабаҡтарын, йәки ылаҫ ағасы ботаҡтары менән ҡаплағыҙ.
Ҡар яуыу менән ботаҡтар өҫтөнә ҡар өйөгөҙ. Әгәр ҡар оҙаҡ яумай торһа, иҫке кейем-һалым, одеял менән ҡаплағыҙ. Был эштәрҙең барыһын да ҡоро көндәрҙә башҡарырға кәрәк.