Үҙ һутында помидорҙар

Үҙ һутында помидорҙар

4 кг помидор

2,5 ҙур ҡалаҡ тоҙ

3 ҙур ҡалаҡ шәкәр

2 лавр япрағы

2 борос (душистый)

Бындай ысул менән эшләнгән помидорҙар ныҡ тәмле була, эшләүе лә ауырлыҡ тыуҙырмай. Бер тапҡыр әҙерләһәгеҙ, киләсәктә лә уны мотлаҡ эшләйәсәкһегеҙ. Шулай итеп, тәү сиратта помидорҙарҙы яҡшы итеп йыуабыҙ. 2 кг помидорҙы ит турағыс аша үткәрәбеҙ. Тоҙ, шәкәр, лавр япрағын һәм боросто һалып, 15 минут ҡайнатып сығарабыҙ. Ҡалған помидорҙарҙы эҫе һыуға һалабыҙ. Тышын әрсеп, стерилләнгән банкаларға һалып, ҡайнаған һут менән тултырабыҙ. Стерилләнгән ҡапҡастар менән ябабыҙ. Ашығыҙ тәмле булһын!