Пикникка йыйындығыҙмы?

Ҡыяр һәм болгар боросо менән салат

Ҡыяр һәм болгар боросо менән салат итле ризыҡтарҙы тулыландыра. Салат һутлы, кетерләп торған һәм... бик тәмле була.

Уны әҙерләү өсөн 1 болгар борос, ярты ус йәшелсә, 3 ҡыяр, татлы һуған, укроп, петрушка тәменә ҡарап.

Заправка өсөн:

2 аш ҡалағы зәйтүн майы, 1 балғалаҡ лимон һуты, 1 теш һарымһаҡ, тоҙ, ҡара борос тәменә ҡарап. Ошоларҙы барыһын бергә бутайбыҙ.

Йәшелсәләрҙең барыһын да йыуып, киптерәбеҙ. Салат япраҡтарын ҡул менән йолҡҡолап һалабыҙ. Ҡыярҙы һәм болгар боросон һаламлап турайбыҙ. Һуған, йәшелсәне турайбыҙ.

Туралған йәшелсәләрҙе бергә ҡушып болғатабыҙ һәм әҙер заправка менән бутап өҫтәлгә ултыртабыҙ.

Ашығыҙ тәмле, табынығыҙ йәмле булһын!