-4 °С
Болотло
Бөтә яңылыҡтар
Файҙалы кәңәштәр
24 Июнь 2020, 02:37
Иртәнге тәмле бутҡаны кистән бешер
Ни өсөн балалар баҡсаһында бутҡа тәмле була? Өйҙә нисек кенә тырышһаң да, бала теләр-теләмәҫ кенә ашап ҡуя? Белгес кәңәшенә ҡолаҡ һалайыҡ. Һөткә бешкән бутҡаны көйҙөрмәй генә бешерер өсөн бер ваҡытта ла бешкәнсе утта тотмағыҙ. Уттан уны көймәҫ элек алығыҙ.Һөттө ярманан күберәк алығыҙ. Ҡайнап сыҡҡандан һуң 1-2 минут болғата-болғата бешерегеҙ ҙә уттан алығыҙ. Йылы урында ул үҙе бешәсәк. Уны төрөп ҡуйһаң, тағы ла яҡшыраҡ була. Күпмелер ваҡыттан һуң ярма бүртеп, ҡуйы бутҡаға әйләнә. (тулыраҡ сайтта уҡығыҙ).
Дөгө бутҡаһы
Башта кәстрүлдә һөттө ҡайнатып, уға тәменә ҡарап тоҙ, шәкәр ҡушыр кәрәк. Унан һуң ғына дөгө өҫтәр кәрәк. Ҡайнап сыҡҡас та (күләменә ҡарап йәнә бер минут ҡайнатырға була) уттан алыр кәрәк. Май һалғандан һуң ҡапҡасын ябыр кәрәк. 20-30 минуттан һуң дөгө бүртә һәм тәмле бутҡаға әйләнә.
Бутҡа өсөн дөгөнөң түңәрәклеһен алыр кәрәк. Пропорцияға килгәндә, 1 стакан ярмаға 1 литр һөт алына.
Һөтлө бутҡа
Һөткә бешкән бутҡаны көйҙөрмәй генә бешерер өсөн бер ваҡытта ла бешкәнсе утта тотмағыҙ. Уттан уны көймәҫ элек алығыҙ.
Һөттө ярманан күберәк алығыҙ. Ҡайнап сыҡҡандан һуң 1-2 минут болғата-болғата бешерегеҙ ҙә уттан алығыҙ. Йылы урында ул үҙе бешәсәк. Уны төрөп ҡуйһаң, тағы ла яҡшыраҡ була. Күпмелер ваҡыттан һуң ярма бүртеп, ҡуйы бутҡаға әйләнә.
Ә бына ҡарабойҙай ярмаһына кистән һыу ҡойоп ултыртып, иртән бүрткән ярманы ҡайнатып ҡына сығарырға мөмкин. Бутҡа әҙер!
Геркулес бутҡаһы
Геркулесты ла шыйыҡ итеп бешерер кәрәк. Бер литр һөткә 7-8 аш ҡалағы ярма һалыр кәрәк. Унан керамик һауытҡа ҡойоп, ҡапҡас ябығыҙ. Уны шулай төнгөлөккә ҡалдырыр кәрәк. Иртән матур һәм тәмле генә бутҡаны йылытыу ҙа етә.
Манный бутҡаһы
Бер литр һөткә 4 аш ҡалағы ярма алына.
Манный бутҡаһына 1-2 минут ҡайнатыу ҙа етә. Аҙаҡ тәмле бутҡа ашағығыҙ килһә, 20 минут көтөр кәрәк була.
Арпа ярмаһынан бутҡа
Арпа ярмаһының иң тәмлеһе ауыл мейесендә бешкәне икәне бер кемгә лә сер түгел. Әле ныҡ һыуынып өлгөрмәгән мейескә һыу, май, тоҙ, бер аҙ ит һалып төнәтергә ултыртыр кәрәк. Ит ниндәй генә майлы булмаһын, бер аҙ үҫемлек майы ҡушыр кәрәк. Шул саҡта арпа етен кеүек була.
Читайте нас:
Редакция һайлауы
© 2024
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838