+12 °С
Ямғыр
Бөтә яңылыҡтар
Файҙалы кәңәштәр
25 Май 2020, 10:42
Әле май айы ғына, ә түтәлдәрҙәге һарымһаҡ һарғая башланымы?
Башта һарымһаҡтың ни өсөн һарғайыуы тураһында һөйләшеп алайыҡ. Бының сәбәптәрек төрлө булыуы ихтимал. Ғәҙәттә туҡланыу элементтары етмәһә, тамырына һауа үтеп инмәһә, оҙайлы һыуыҡ көндәр торһа, ҡояш нуры етмәһә, ул һарғая. Һыуыҡтар оҙаҡҡа һуҙылһа, үҫемлектәр насар туҡлана. Алдан тупраҡҡа индерелгән элементтар ямғыр менән йыуыла.
Ни эшләргә?
Рәттән араһын йомшартып сығыр кәрәк. Унан азот индерер кәрәк. 1 аш ҡалағы аммияк селитраһы, мочевина кеүек минераль туҡымаларҙы 10 литр һыу менән иҙеп, һарымһаҡ һабаҡтарына ҡойоп сығыр кәрәк.
Шулай уҡ кесерткән, бәпембә кеүек һ.б. үлән төнәтмәһен ҡулланырға ла була. Үлән төнәтмәләре тупраҡты туҡландыра, дауалай, уңдырышлы итә. Үлән төнәтмәләрен һабағына ла, тамырына ла ҡойорға була. Һыйыр тиреҫенең, тауыҡ буғының һ.б. төнәтмәһен дә ошо уҡ маҡсатта ҡулланырға була.
Аптекала һатылған аммияк иҙмәһе, нашатыр спирты ла яҡшы һөҙөмтә бирә. Уны ике аш ҡалағы алып, 8*10 литр һыу менән иҙәләр. Аммияк иҙмәһеһабаҡтың (япраҡтың) фотосинтезына яҡшы тәьҫир итә. Һәм, шулай уҡ, һуған ҡортонан, бәшмәк ауырыуҙарынан һаҡлай. Был ашламаны ҡояшһыҙ мәлдә индерер кәрәк. Юғиһә яндырыуығыҙ ихтимал.
10 көндән һуң үҫемлектәргә икенсе ашламаны индерергә була. Уның составына тулы минераль ашлама инергә тейеш. Ундай ашламаның һыулыһын һайлаһағыҙ, яҡшыраҡ булыр. Ямғырлы көндә гранулаһын һайлағыҙ. Тик уларҙың яйыраҡ үҙләштерелеүен иҫәптә тотоғоҙ.
Минераль ашламалар индергән һайын уның тупрағын йомшартырға онотмағыҙ. Әгәр инде һарымһаҡ һабағы йәм-йәшел икән, тимәк, үҫемлектәр менән проблема юҡ. Әйткәндәй, һабағына ҡарап, һарымһаҡтың башының ҙурлығын да билдәләргә мөмкин. Ул ни тиклем ҙур һәм матур икән, төбө лә ҙур, тигәнде аңлата.
Уңышығыҙ мул булһын!
Читайте нас:
© 2024
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838