Бөтә яңылыҡтар
Файҙалы кәңәштәр
20 Март 2020, 01:05

Бөгөн көн менән төн тигеҙләшә, тиҙәр

Бөгөн таңға ҡарай көн менән төн тигеҙләшә, тиҙәр. Осрашалар, имеш... Көстәрен һынап ҡарамаҡсы булып. Ҡайһыһы еңер?!

Бөгөн таңға ҡарай көн менән төн тигеҙләшә,
тиҙәр. Осрашалар, имеш... Көстәрен һынап ҡарамаҡсы булып. Ҡайһыһы еңер?! Әлбиттә, һуңғыһы... Йылы һыуыҡты, яҡты ҡараңғыны, яҡшы яманды еңгән кеүек. Тап ошо мәлдән Яҙ үҙ хакимлығына инә тиҙәр... Яҙ менән барығыҙҙы ла! Тәбиғәттең наҙлы миҙгеле бәхет көткәндәргә яңырыу, ҡояшҡа тартылғандарға йылыныу осоро булһын, морат иткәндәр уңышҡа өлгәшһен, хыял-маҡсатына ирешһен! Яҙ һеҙгә бары тик ҡыуаныстар, шатлыҡ-бәхеттәр генә алып килһен! Һәр иртәбеҙ ҡояш нурҙарына сорналһын!